ضبط لاعب مقيد في قايمتين .. الفريق والعفش!

استعرض الموضوع السابق استعرض الموضوع التالي اذهب الى الأسفل

ءء ضبط لاعب مقيد في قايمتين .. الفريق والعفش!

مُساهمة من طرف الحبيب رزق باتيستا في السبت فبراير 17, 2007 8:34 am












ضبط لاعب مقيد
في قايمتين .. الفريق والعفش!









قامت رابطة نسوان المشجعات ورؤساء جمعية احتكار تسمين وتخزين وتسقيع اللاعبين بعمل جرد نهاية موسم الانتقالات الذي تم في شهر يناير واسفر عن وجود 10 حراس مرمي و30 لاعبا للدفاع و50 لاعبا لخط الوسط و25 مهاجما لم يتم بيعهم خلال فترة الانتقالات نظرا لركود السوق بفعل السدة الشتوية والأمطار وموجة البرد كما أن الأندية الكبيرة بحثت عن الاسماء الكبيرة والرنانة وخدتها وضربت لنا السوق!
وقالت عدلات أسكت أنت عضو رابطة المشجعات أسلوب البيع اللي احنا ماشيين بيه حيخسرنا ويخلي البضاعة راكدة عندنا في حضانة اللعيبة.. انا باقترح اللاعب الكويس نمشي معاه كام لاعب سكة عشان نقدر نخلص من المخزون الراكد
وقالت 'جنايات بخاطرها' وكما فيه مشكلة ان الاندية عاملة واحد مسمياه مدير التسويق ودي وظيفة خطيرة جدا وحتضر بمصالحنا.. آل ايه . مدير التسويق يروح يتفاوض مع اللاعب من ورا ناديه وورانا ويأخد بصمته ويذله بيه.. الكلام ده ماينفعش لازم نشوف حل.
'سيئات ولعه' قالت كمان فيه لعيبه لئيمة توقع للنادي المنافس وتسوق العوج علي ناديها عشان ماتلعبش وما تسجلش في القوائم لا.. دول بقي لازم نشوف ليهم حل يشكمهم.
فتدخلت في الحوار وقلت ياجماعة نون النسوه احنا دلقوتي في عصر الاحتراف يعني الانتماء للفانلة التي يرتديها اللاعب.
فجأة شخطت فينا عضوات رابطة المشجعات وقالت: انتماء ايه وفانلة ايه الانتماء بقي للقرش والفلوس احنا في عصر المادة..!
طبعا ياسيدات المادة لاتخلق ولاتفني من عدم.. انسحبت عدلات من لسانها وقالت: تعدم عافيتك يامنيل.. ممكن تنقطنا بسكاتك!
سكت فالسكوت مع النساء يكون من الذهب والابلاتين.. احسن الابلاتين بتاعي يضرب هو أنا ناقص!
وقامت حلويات هانم وقالت طب هنعمل ايه في اللعيبة الموجودين في الحضانة الكروية بتاعتنا مش دي فلوس مركونه وممكن تبوظ..
ردت جنايات وقالت: لادي فلوس حتزيد مع مرور الوقت بس احنا نستعين بمدرب 'سكرته' يدبر اللعيبة في حوش الحضانة لحد موسم الانتقالات الكبير اللي في الصيف والاسعار حتزيدة والاندية مش حتلاقي لعيبه إلا في الحضانة تباعتنا.. وساعتها حنذل الاندية دي.. ومافيش لاعب حيقدر يحترف بره إلا عن طريقنا إحنا.. إحنا الستات والاجر علي الله!
قامت سيئات ولعه وولعت فيها نار وقالت احنا لازم نجيب اللعيبه اللي محترفه بره دول عمالين يتباعوا من نادي لنادي وفلوس إشي باليورو وإشي بالدولار واحنا قاعدين هنا طيشه.. لازم نتصرف ونرجعهم للحضانة بتاعتنا ونكسب من وراهم.
انسحبت من لساني للمرة الثانية وقلت حرام عليكم خليهم بره يزداد ثمنهم ويبقوا دعامه للفريق القومي! ودعامة للاقتصاد الوطني
صرخ في اعضاء الرابطة مش عارف لقيت فيه ميه نازله من البنطلون ليه! وقالوا: احنا مالناش دعوه.. احنا عايزين نحتكر سوق اللعيبة ونوزع اللاعبين علي الاندية بعدالة..!
انسحبت مرة ا خري وقلت نعمل بطاقة نادي زي بطاقة التموين كل نادي يبقي له حصه لعيبه في كل فترة انتقالات عشان تطبقوا العدالة صح.!
وقالت عدلات: ايه اللي جاب المنيل ده هنا واش دخله وسط الستات حطوه في الحضانة وإلا اقولك قوم لم الكور من بره الملعب والانبعته لمراته توقفه 5 سنين وتحرمه من دخول البيت مش هوه برضه مقيد علي قايمتها.. وبكدة يبقي جمع بين قايمتين وده مش قانوني..!!

_________________
avatar
الحبيب رزق باتيستا
المدير العام الحبيب رزق باتيستا
المدير العام الحبيب رزق باتيستا

ذكر
عدد الرسائل : 278
العمر : 39
تاريخ التسجيل : 13/11/2006

معاينة صفحة البيانات الشخصي للعضو http://rzek.ios.st

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى